影片
更多
2018-03-27
71 浏览
終於捱到放復活節假，收工即刻同老公去食餐好，慰勞一下自己。見尚鮮好評如潮，不妨一試。店內卡座設計，適合好友相約共聚傾下計，環境非常舒適。打開餐牌，單係湯底都有好多選擇。最後我地揀左星級套餐，咩都可以試下。而湯底就揀左松茸冬瓜湯底，好多冬瓜同松茸菇，仲有d瘦肉吊下味，成個湯好清甜，淥完d野食就算唔沾豉油都已經好好味！一來材料新鮮，二來湯底夠味，食火鍋，用料靚唔靚真係扼唔到人。星級套餐本身都包埋飲品，加$40仲可以有兩小時任飲紅白酒同啤酒汽水。不過我同老公都要戒酒，所以就養生d，點左兩杯暖嘅洛神花茶，可以美顏、瘦身、降血壓，正！👍🏻先上冷盤，泰式生蝦+清酒鮑魚。泰式生蝦上面已經淋左醬汁，微辣，蝦爽口；鮑魚切得大大粒，味道較清，爽口彈牙，兩樣都非常清新。海鮮亦相當出色，蟶子皇大大隻，焯一焯，一離殼就食得，肉質爽脆，厚肉。海蝦亦唔係普通貨色，爽口彈牙，肉質夠實淨，絕對新鮮！鱔片薄切，爽脆鮮甜。反而大蜆有少少韌，明明我都係一離殼就食⋯手切安格斯牛又係好合我地呢d牛魔王嘅心意，雪花平均分佈，肥瘦適中，牛肉味濃，食多多都唔夠喉！木耳鮮蝦雲吞+手打豬肉丸+墨魚丸又係另一驚喜。雲吞圓碌碌、大大粒，入面包
店內卡座設計，適合好友相約共聚傾下計，環境非常舒適。打開餐牌，單係湯底都有好多選擇。最後我地揀左星級套餐，咩都可以試下。而湯底就揀左松茸冬瓜湯底，好多冬瓜同松茸菇，仲有d瘦肉吊下味，成個湯好清甜，淥完d野食就算唔沾豉油都已經好好味！一來材料新鮮，二來湯底夠味，食火鍋，用料靚唔靚真係扼唔到人。
星級套餐本身都包埋飲品，加$40仲可以有兩小時任飲紅白酒同啤酒汽水。
不過我同老公都要戒酒，所以就養生d，點左兩杯暖嘅洛神花茶，可以美顏、瘦身、降血壓，正！👍🏻
先上冷盤，泰式生蝦+清酒鮑魚。泰式生蝦上面已經淋左醬汁，微辣，蝦爽口；鮑魚切得大大粒，味道較清，爽口彈牙，兩樣都非常清新。
海鮮亦相當出色，蟶子皇大大隻，焯一焯，一離殼就食得，肉質爽脆，厚肉。海蝦亦唔係普通貨色，爽口彈牙，肉質夠實淨，絕對新鮮！鱔片薄切，爽脆鮮甜。反而大蜆有少少韌，明明我都係一離殼就食⋯
手切安格斯牛又係好合我地呢d牛魔王嘅心意，雪花平均分佈，肥瘦適中，牛肉味濃，食多多都唔夠喉！
木耳鮮蝦雲吞+手打豬肉丸+墨魚丸又係另一驚喜。雲吞圓碌碌、大大粒，入面包住嘅蝦肉大大隻，好好味；豬肉丸絕對唔係街買果種彈牙口感，而係咬落去軟嫩，真係手打出黎先有咁嘅口感，好香肉味，讚！墨魚丸超級彈牙，仲咬到一粒粒墨魚肉，相當足料！連埋面頭d魚籽，脆卜卜😋
仲有芝心獅子狗卷、芝士腸、豬潤、豬皮、豬紅同蔬菜，樣樣都可以試d，份量適中，再加埋煙韌嘅稻庭烏冬，高質新鮮嘅火鍋食材，仲要食到飽飽，真係好滿足！
特別要讚侍應嘅服務非常好，好有禮貌，我地打邊爐打到中途，湯面有好多白泡，侍應仲幫左我地兩次用大湯匙片走d白泡，好細心。
张贴
