La Vigne (已結業)

今日去搵朋友仔食飯，係佢屋企附近搵餐廳食飯喇。見到呢間餐廳裝潢幾靚，又幾多人食。而且價錢唔會好貴，就揀左呢間喇！入到去職員都好nice咁介紹下個餐牌。餐廳有set dinner 供應，包 前菜沙律，餐包，是日餐湯，飲品，甜品。都幾好喎😬餐包係 蒜蓉多士，即烘多士夠哂熱辣辣又脆卜卜，好夠蒜蓉味，好香。豐富雜果沙律🥗沙律菜仲有西瓜蜜瓜，食落清甜開胃。是日餐湯有：紫椰菜薯蓉忌廉湯🍵呢個湯好味，賣相好靚😍好少飲到紫椰菜湯，薯味好濃郁飲落好creamy 香滑👍小食：芝士焗薯角🧀好邪惡，好多芝士！啖啖都係香濃既芝士味，薯角夠哂脆！食到好滋味🍟黑松露三文魚闊條麵🍝👍味道好好！黑松露夠哂香，加上忌廉汁配上闊條麵好creamy。🤤都有好多舊既三文魚，食落唔會話好鞋，又幾好味！香煎鱸魚柳配意式燴菜🐟份量都幾多，有三大塊魚柳！而且魚皮煎到好脆夠乾身，魚柳夠鮮味。配埋個蕃茄燴醬汁，味道更加好味，配得好好。酸酸甜甜咁，夠開胃！甜品🍮 牛奶布甸 好香滑奶味😌