天福粉麵

天福隱身尖沙咀旺街後面, 雖然食物出品好有誠意, 價錢又平, 但人流始終唔夠大街旺

地方夠大, 而且地光猛乾淨, 第一印象已經幾好!

第一次去, 食牛丸河, 牛丸彈牙新鮮....連媽咪食完都讚, 仲外賣咗一斤淨丸返屋企食

再去見到佢地仲有賣牛腩, 即管叫牛腩河試試, 出乎意料地好食, 又林, 又多汁而且好有牛味, 媽咪叫咗個牛腩飯, 只係$30, 牛腩分開一碟份量都幾多, 仲要包埋一大碗紫菜湯, 好正!

好有誠意的食店, 仲有, 每枱有個醬料架, 比顧客自行加料 (炸蒜容, 冬菜, 辣椒油, 魚露, 醋...等等)! 下次再去試下佢個招牌魚蛋河先!