新三興。嚐鮮主理 (已搬遷) 新店位置

今晚去左土瓜灣下鄉道新三興點左四個菜，冰鎮掌亦，小炒皇，金銀蒜蒸勝瓜，蝦多士先講個掌亦，肉既比例稍微少，但肉質好，有咬頭，味道亦可。蝦多士，面包炸得剛好，一整隻蝦放於多士上，滴下數滴煉奶，好食因為蝦夠新鮮，多士夠脆。小炒皇，材料極多，韮菜花，鮮蝦，蝦乾，蝦米，鮮魷，义燒，臘腸，瑤柱，腰果，辣椒，微辣，感覺有少許XO醬，蝦類同鮮魷都好鮮味，菜花爽嫩，腰果唔淋，亦無油抑味。金銀蒜蒸勝瓜，鮮嫩既勝瓜加左金銀蒜來蒸，墊底既粉絲再加左少少頭抽，D勝瓜既鮮甜度就好似食緊海鮮咁，如果身體唔方便食海鮮，或者要食素既人士，呢個素菜確夠鮮味。新三興洗手間乾淨，連埋店外約有80個座位，一定要訂枱，部份菜要之前一日預訂，宜先看餐牌，地方唔算易搵，睇定地圖。PS 食物擺碟很花心思，視覺亦得到了滿足。