Brewed

2022.10.28 breakfast


呢一天放全日，走出嚟食早餐，本身有target 的，好可惜⋯⋯裝修🫠 好彩，搵咗一陣，都搵到間幾好嘅😊


一入到去，成間店都充滿肉味，唔係咖啡味😝 可能平日呢個時間冇客，店主就準備緊午餐嘅食物。 不過我哋都選擇留低，因都搵咗幾間，都唔想再搵了。 睇咗餐牌又ok，我要蘑菇多士，$15要poppyseed bagel，我至愛😁 女友要三文魚煎蛋鬆餅😋 落單後，點知話鬆餅要等大約20分鐘⋯⋯⋯女友決定食住等，因為唔趕時間又唔想轉普通多士、bagel😅


個蘑菇多士好賣相好靚呀😍 好開心呀😃 可能加埋隻靚蛋黃，靚餐具，成件事好靚，bagel 就另一隻碟上，睇得到嘅用心製作😊 好好味呀😋

本身$88，再加$10要手調咖啡。蘑菇芝士鮮菜，整個配搭好好味😋

$113

食食吓，三文魚煎蛋到來了，又係好靚，未食都開心咗先😃 呢一個就味道正常⋯⋯鬆餅終於出場了⋯⋯嘩！好香呀，新鮮熱辣，好開心😃好彩女友堅持等，唔係就錯失左呢個美味鬆餅😋 呢款真係抵食，又三文魚又鬆餅都只係六十幾蚊😁😁

好靚呀，仲要用靚蛋添！因鬆餅要等大約廿分鐘，所以未有鬆餅係呢度出現。

$68

因為鬆餅遲啲出場，所以分開影，影完先發覺似咗一塊漢堡朳🤣

因要即製作，要等大約廿分鐘，所以分開上了，好新鮮，好香好味😋  (之後先發現，影到好似漢堡扒咁😂)

享受美味食物之後就叫咖啡，我倆都鐘意食哂嘢先叫，唔想杯咖啡凍晒😌 加$10就可以揀手調咖啡了😌 女友要 Flat white，我要 Cappuccino ⋯⋯ 出嚟嘅都唔大分別，都好滑，幾香😌 但又未到特別出色😅

餐加10就可以揀手調咖啡都算合理👍🏼 

1