麺処一家 (已結業)

點左最貴嘅店長推介，有齊慢煮豬肩肉、火炙豬腩肉同味玉湯底溫度唔算燙口，但好均勻，食到一半都仲有煙；味道鮮甜，唔覺太咸；麵條係入新鮮貨，質地軟滑，索到湯，可考慮增加彈口度同麥香。慢煮豬肩肉味道溫和，咬落冇渣不過充滿口感，質素好高；火炙豬腩肉味道比慢煮豬肩肉濃，都係冇渣而有咬口，肥瘦分怖均勻，兩種肉都好用心製作味玉有流心效果，但味道唔太夠；筍絲冇怪味；最令我驚喜係紫菜，平常拉麵上嘅紫菜都會浸住一半介乎林同脆之間，我好怕亦好少食，呢度係用紫菜絲，上菜時本身已經浸喺湯裡面，食落好有口感，有陣香烤味，浸左湯都非常好食！拉麵整體做得好用心，見到廚房入面師傅一直好專注咁煮麵，除左味覺享受，亦有視覺享受