Lockeroom Dining (譽發廣場) (已結業)

繼續奧運嘅運動狂熱，今次就嚟到旺角譽發廣場Lockeroom足球主題餐廳， 就完全感受到嗰份足球氣氛，餐廳內盡是足球主題嘅配置， 簽名球衣、球員畫像、草地氈、獎盃、龍門手套等等。 朋友返夜班所以好早就要食飯，叫咗一個set一份單點牛柳同兩份甜品。 跟返個蒜蓉包外脆內軟，蒜香味重。香烤美國牛肉眼扒牛柳我哋揀咗七成熟， 雖然係七成熟，但牛柳都煎得好香嫩，無筋之餘仲好有牛味，配菜係羽衣甘藍、番茄同埋薯蓉，分量好足夠。香煎海鱸魚柳意式鮮茄莎莎海鱸魚柳好厚身，外皮煎得好脆，魚肉好嫩滑，仲好juicy又無骨👍🏼配埋蕃茄莎莎醬食好開胃。朱古力三重奏心太軟心太軟非常特別，會喺上面放一片朱古力薄片，然後朱古力會慢慢溶，之後連埋心太軟一齊食，真係超正呀，朱古力味好重，配埋白朱古力醬就係三重奏啦，真係一試上癮，一份都唔夠喉😝 朋友仔本來食燉蛋，佢都係咁食我個心太軟🤣🤣法式焦糖燉蛋上面嘅焦糖燒得好香脆，入面嘅燉蛋非常重蛋香味，夠曬香滑，配一個士多啤梨酥，鬆脆好味，士多啤梨唔酸。