幸拉麵 (已結業)

跟同事晚上因爲要到炮台山上堂，偶然經過此小店，睇見裝潢簡單整潔，就吸引咗我哋入去啦，店內播日文歌，我同事話應該會好味。我哋坐Bar檯位，明顯老闆很有心思，想客人坐得舒服，坐位相比其他麵店嘅闊，坐得好舒服😌我叫咗個赤豚拉麵，其實係蕃茄豚骨湯，佢哋碗麵非常足料，全部都附送糖芯蛋半隻，兩大塊豚肉，肥瘦適中，至於我碗赤豚就梗係有大量嘅蕃茄蓉啦⋯⋯，好濃厚嘅蕃茄湯，而辣味又剛剛好，唔會搶走蕃茄嘅味道，每條麵都沾到湯嘅味道，唔會湯還湯味，麵還麵味［喜歡吃拉麵的人應該會明白這個重要性］其實檯面仲有赤豚專用嘅芝士粉，不過我因爲敏感唔食得，如果大家有興趣可以試吓。覺得非常物有所值，可惜我唔係喺炮台山附近返工😭⋯⋯好羨慕喺炮台山嘅人，有機會的話一定會再幫襯。