環境
店內大約坐到10人，最多同時3位師傅。
餐牌
1
𝙾𝚖𝚊𝚔𝚊𝚜𝚎 𝙳𝚒𝚗𝚗𝚎𝚛 $1880/位 (共20品）
- 茶碗蒸し
- つまみ （𝙴𝚗𝚝𝚛𝚎́𝚎）
- 握り寿し
- お椀
- デザート（𝙳𝚎𝚜𝚜𝚎𝚛𝚝）
我哋揀咗貴少少嘅Set，多啲嘢食！
茶碗蒸し 
一坐低就會到子姜同蘿蔔，全晚都可以係轉菜期間食消消膩。
第一品有茶碗蒸配北海道粟米，用雞湯蒸蛋，師傅指淨係為咗調校最合適嘅比例自己試菜都試咗好多次，先搵到食落去唔會覺得太濃太澀嘅雞湯蒸蛋，果然超滑超香!⃝
つまみ （𝙴𝚗𝚝𝚛𝚎́𝚎） 
第二品有北寄貝及裙邊配柚子胡椒，已經搽咗醬油，鮮甜爽口，肉質厚實，群邊亦十分爽脆。
第三品有超靚嘅秋刀魚卷，肥美得來配紫菜及芽蒽可以中和油膩感。
第四品係櫻煮八爪魚，因為煮嘅時候湯汁呈粉紅色因而得名櫻煮，煮到好稔身，秘訣係用蘿蔔醃佢，蘿蔔所䆁出嘅成份可以刺激到其他食物更稔身。
第五品鱈魚白子配柚子汁，建議一啖過食，真係滑過豆腐花(⊙_⊙) 「𝚜𝚞」一聲已經滑咗入喉嚨，我覺得就算係第一次食都一定接受到～
第六品有柚庵燒帆立貝，作法係將食材泡係柑橘類水果（一般是日本柚）的醬汁及醬油等醃漬後燒烤，帆立貝一定要半生熟先好味，加上係新鮮，好有質感同纖維感。
第七品有目光魚，用咗一夜干做法，風乾後脆口，食落口清爽鮮嫩，味道偏鹹，配酒一流。
第八品有煙燻鰹魚，師傅仲拎出嚟比我哋睇，風乾咗嘅鰹魚其實就係平時食放係章魚小丸子上面嘅木魚!⃞ 大火會將魚肉表面烤熟，增添一股煙燻風味，同時令魚肉本身嘅香氣和滋味更突出，配甜而不辣嘅日本生洋蔥及洋蔥醬，加埋紫蘇花，好有食慾!!
第九品有甘鯛立鱗燒，之前介紹過立鱗燒唔再講一次，師傳以茄子秋葵加了紫菜製成醬用以消膩，個醬勁𝚌𝚛𝚎𝚊𝚖𝚢好好食(⊙ω⊙) 魚鱗脆而不油，甘鯛肉好滑嫩。
第十品有正值季節嘅香廂蟹，香箱蟹即係雌性嘅松葉蟹，其蟹膏蟹籽先係精華所在，蟹肉係相對嚡口，所以呢款菜式必定係要配埋蟹膏蟹籽同汁撈埋一齊食，用埋蟹嘅精華打芡，鮮味爆發 ❣︎
握り寿し 
1
第十一至十八品有壽司，全部都唔洗再點醬油，師傅已經調好哂味。以下跟先後次序：深海池魚肉質厚滑，脂厚油香；白蝦好細隻但好鮮甜；墨魚口感黏厚得嚟舒服；鰤魚（香港人稱為油甘魚）係代表冬天的魚類，因愈凍愈肥美，店家用上腩中腩呈奶白色(最尾肚池位)部位𝚜𝚎𝚛𝚟𝚎比食客，其油脂豐腴，肥而不膩，鮮美且醇香濃郁，配柚子胡椒超正；池魚，記得佢同深海池魚完全唔同，係隸屬於秋刀魚嗰邊嘅魚科，皮帶甘香，肉質肥嫩配蒽醬可中和；野生大拖羅顏色偏鮮紅，入口即化無筋；新鮮希靈魚，師傅教路先知原來坊間所有帶黃色魚䰵嘅希靈魚都係加工咗！新鮮希靈魚因為難處理又多骨又容易爛，所以好少餐廳肯處理，但呢到就比我食到(╯▽╰) ！食過難忘，十分肥美，係到極致果種，所以係肥到爽口 ❣︎ 有機會一定要食真正新鮮嘅希靈魚。下一款喉黑魚，同樣少見，口內呈現黑色而得名，係高級白身魚，以燒的方式處理油脂含量高，甜味香濃！最後有白海膽，甜味及海膽味比較平均，食落唔會覺得太流質，比平時食嘅更有口感，做壽司一流。
海膽毛蟹三文魚籽丼 
加插打卡送嘅海膽毛蟹三文魚籽丼，只要最追蹤社交媒體同埋like post就送！ 建議撈埋哂一齊食會更好食！每口都爆魚籽仲要有海膽，好滿足。
お椀 
第十九品係用魚熬製嘅麵豉湯，又係師傅教落先知𝟲𝟬-𝟳𝟬℃飲最好，否則凍咗會覺更鹹。
デザート（𝙳𝚎𝚜𝚜𝚎𝚛𝚝）
1
最後一品同樣有驚喜，以黑糖杮配自家製焙茶布丁，黑糖杮因為糖分較高，所以變黑色，食落超清甜。自家製焙茶布丁，挺身但𝚔𝚎𝚎𝚙到滑度，茶味濃而不澀。
