返下公司，晏晝出去食下飯.
我哋平日好鍾意幫襯呢一間餐廳(尚樓)買外賣. 佢哋嘅手撕雞
同埋海南雞
一定要早啲落單否則好快賣曬。平時我哋都係一早叫定 然後落嚟攞外賣嘅，貪佢味道好，服務周到。
今日特登來堂食因為好似有新嘢。
尚樓小菜餐佢哋嘅小菜餐日日唔同今日係
1)沙薑雞
或者係
2)惹味醬爆雞球
佢哋個小菜餐係跟(一味主餸 )
（一份杞子浸時蔬）同埋熱飲 ＆白飯or 雞汁飯
我叫咗2）惹味醬爆雞球
一上碟我同事都
嘩一聲。
碟菜擺到成隻花咁，好靚仔又唔會煮個龍。
醬爆雞球嘅煮食簡直係冇得頂， 雞嫩滑好味， 個醬汁簡直係無敵。 碟雞上面仲有紅椒黃椒。 食落好新鮮嘅感覺。
老實講喺中環 六十幾蚊 有咁高質嘅嘢食簡直係無敵。
值得一讚係佢哋嘅服務員好有禮貌， 又誠懇。
上次突然落大雨, 我刚刚嚟攞外賣. 服務員仲借把遮畀我。 當然第日我有還遮比尚樓啦。
