Sense Cafe (已搬遷) 新店位置

放假最鍾意出街閒逛兼下午茶, 以前食過呢間甜品, 原來下午有其他輕食, 一於試下先.<煙三文魚碎蛋沙律牛角酥>, 期間限定款式. 牛角酥暖暖, 外面夠酥脆內里軟熟. 碎蛋唔會太細粒, 撈埋蛋黃醬酸酸甜甜好開胃, 煙三文魚唔會太咸, 整體配搭唔會太膩. 仲有沙律菜加左醋汁, 清新醒胃.<朱古力咖啡>, 而家熱飲多數都有拉花, 呢間都唔例外. 朱古力同咖啡味道參半, 唔會太甜, 口感不錯.