輝煌越式法包 (已結業)

雖然而家有番晚市，但度度都咁多人，又唔想同人迫，想有個私人時間靜靜食下野，買外賣都唔錯，係朋友屋企附近新開撈檬，試下都好喎！好，睇下有咩好食先。越式牛肉撈檬，初先仲以為牛肉係片片，岀到黎係牛肉波，完全係手打，裡面係粗身牛肉碎，食落係好有牛肉香同肉質組織，加上用越南香料醃肉，好地道。越式招牌扎肉撈檬，扎肉大大條又粗身，係岀面食，真係薄薄兩片咋，呢度對得住個價錢有找。撈檬最緊要個汁，個魚露好正，唔會過咸，再帶輕微酸，雖然係外賣，啲檬粉番到屋企都仲係分散，唔會黏埋一餅，唔錯！