Eris's Kitchen (已結業)

服務態度好好，店員會主動介紹每一道菜式，了解客人既口味，從而同廚師調節味道。地方好大， VIP房，坐得好舒服，可以打golf ，慢慢食吓野，傾吓計，非常滿足，會再來。non member 都可以來食野玩架，但最好book定位先。而家做緊優惠，dinner set買一送一，兩個人都係$500，高水準，好抵食。牛油果西柚沙律沙律菜爽口新鮮，柚子酸咁，牛油果🥑香滑，加咗蕎麥，增加纖維。再加上橄欖油同果醋，酸酸地好開胃。餐包一籃熱辣辣嘅麵包，牛油蒜蓉法包香噴噴脆薄，另外餐包都好軟熟。南瓜甘荀忌廉湯口感細滑，甘筍同南瓜既甜好突出，食得出本身食材嘅天然味。黑松露野菌意大利飯松露嘅味道好溫和好香，每一啖飯都有粒粒爽口蘑菇，個醬唔會好濃稠，食晒成碟都唔覺膩。蜜糖芥末燒豬鞍配蘋果蓉豬鞍點左全熟都好Juice切開會有肉汁，肉質鬆化幼嫩，調味料唔多，食得出豬肉本身的鮮嫩，配上酸酸甜甜嘅蘋果蓉更加好味。配菜都好有誠意，薯仔🥔 娃娃菜 青豆，分別都用牛油煎香過。士多啤梨雲呢拿窩夫🧇窩夫啱啱焗起熱辣辣，好香脆，配雲呢拿雪糕，冰火交融。好飽飽，好滿足。青檸薄荷烏龍青檸酸酸地，薄荷同百里香既味好突出，好天然，一啲都唔