陶源酒家 (已結業)

今天放假 ，太太要求去九龍灣宜家傢俬shopping，所以我哋利用openrice搜尋附近餐廳，發現到呢間陶源酒家，剛巧時間又係下午茶。所以我哋就一同前往呢間著名嘅酒家。當天，人唔算太多，可能剛巧下雨 。但係都不阻我哋飲茶嘅雅興。我哋今次主攻下午茶優惠點心，一嚟可以食出師傅嘅製作，同一時間又可以點多少少其他嘢食。講番食物，最好食係各式餃蒸餃，老婆另外再order乳鴿同阿女分享，而我另外叫一個乾炒牛河畀自己食，先講乳鴿，優惠時間只係廿八蚊一隻， 但食得出乳鴿係新鮮炸出，所以乳鴿皮脆肉滑，而各式蒸餃腸粉誠意推介。 香菇餃內材料配搭層次獨特，其他地方會食唔到，仲有另外就係糯米雞，佢特别加咗紅米，食落好健康，所以點心唔一定係高膽固醇食物，真係食得出性價比高嘅點心。最重要係点心自家製並不是交貨。而瑞士汁乾炒牛河 ，牛肉嫩滑配搭美味嘅芝士汁真係一個人去食哂。最後我哋食飽曬一家人繼續去商場shopping