Darci by Aldou (已結業)

元朗西鐵站附近有好多餐廳，有好多餐廳質素都很好，今次就去試呢一間西餐廳。餐廳裝修簡約，裝飾亦都好別致，而且服務員態度友善。餐廳面積唔算好大，但整個環境好舒服，背景音樂亦都好配合餐廳嘅裝修，感覺唔錯。餐廳有好多晚餐套餐選擇，今次揀咗個意粉同燒春雞試吓：椰菜花湯唔係有好多西餐廳有椰菜花湯飲，呢一間非常之特別，湯好滑好creamy，一入口就有好香嘅椰菜花味，平時嘅餐廳係配餐包，不過呢一間西餐廳係配薄餅包，非常特別。飲湯時，加上薄餅包，沾上湯，味道一流。北海道刺身帶子配墨汁意粉帶子用上北海道刺身嚟整，所以帶子味道非常之好，煎到啱啱好，令到質地好外脆內軟，帶子味道好好味，配上墨魚汁意粉，簡直係一流。原隻燒春雞配泰式香草醬燒春雞燒得好香，擺碟亦都係經過精心設計，所以賣相好靚，雞肉好亂滑，雞皮好香脆，而且保存到好多雞汁，加上餐廳搭配嘅泰式香草醬，酸酸地，又帶點香草味，好開胃，味道亦都非常之夾。呢一個春雞非常之好食，燒雞做得好出色，一定要點。估唔到元朗西鐵站附近會有一間咁高質素嘅西餐廳，雖然店面不算大，但質素好高，性價比亦都好高，下次一定會再去。