Will's Coffee (已結業)

星期六諗住同女朋友去深水埗搵間coffee shop chill一下，本來喺基隆街一帶搵緊cafe，但係間間都排晒長龍，最後打算碰一碰運氣呢間只係得四個座位嘅咖啡小店。因為知道佢得四個位，其實本來都有心理準備應該要食其他嘢㗎啦。點知又好好彩，我哋一行埋去就有兩個位可以即刻坐低。當然舖頭唔算大我哋亦都只係坐喺圓枱嗰邊，唔能夠講話係坐得舒服，但係咁嘅時勢搵到個位坐低食嘢都已經好開心㗎啦。首先一定要講吓佢嘅飲品，我點左一杯Mocha Latte，我見到咖啡師係用好日式嘅器皿去沖出嚟，而且啲奶都唔係就咁溝落去而係打到起泡先到落去、而我女朋友叫咗一杯Milk Latte，唔似一般連鎖店奶味冚晒啲咖啡味，呢度嘅味道仲可以感受到濃濃嘅咖啡豆味喺入面。食物方面我哋叫咗carbonara同埋一款韓國泡菜豬肉Bagel，carbonara做得唔錯，好香芝士味。Bagel偏油咗少少，而且個包冇乜味，但係泡菜餡呢個配搭效果都唔錯。