滑蛋鰻魚丼$98
滑蛋加上鰻魚真係一個百吃不厭嘅組合，我覺得餐廳好貼心咁準備啲紫菜分開裝 ，因為如果唔係嘅話外賣番到公司嘅時候啲紫菜就會淋晒。鰻魚燒得都幾靚，上面會有一層油光，同埋份量都幾多，再加上日本珍珠米粒粒都好飽滿，幾加分！而且食落冇乜細骨！
另外佢哋嘅重光招牌便當就係另外一個主打。組合亦都好豐富，有炸蝦餅、鱈魚柳再加上堂揚炸雞兩件都只係$75，配菜仲有醃製蘿蔔、關東煮同埋沙律菜，真係性價比好高！
覺得佢哋嘅便當真係各有千秋，配搭上都好吸引，炸物好香口！
💰人均70蚊左右午餐
重光弁当 (觀塘)
觀塘觀塘道396號毅力工業中心5樓V室
