但呢間店既生煎包真係令我念念不忘,於是特登返去食
係呢個星期五既黃昏,好多人係門口等緊外賣,而我就係係佢只係得5-7個位既店內堂食
生煎包最少要點4個,$22
當我係店入面等緊既時候,老闆係出面唔少人等緊既時候,佢優先俾左啲生煎包我,老闆真好!
我講緊既老闆係相中人, 入面埋頭苦幹煎緊生煎包哥位, 係一位後生仔!知佢係老闆係因為之前佢有上過雜誌,講佢既奮鬥史,原來佢之前仲係歌手,真犀利!
仲有一個姐姐係隔離努力包生煎包
講返個生煎包, 係誇張地爆汁既,真係一咬落去啲汁好澎湃.....噴汁....我都唔好意思...
各位食既時侯真係要小心
一路食啲汁一路流出黎
另外,生煎包煎得又香脆,外皮唔會好厚好實, 入面既肉除左多汁,仲好夠淋,
每個細細個食落又唔覺好飽
走哥陣都忍唔住同老闆講左聲"好好食呀"
加油吧,老闆:)
