影片
更多
2019-02-12
95 浏览
尖沙咀出名多嘢食就係人都知㗎啦，喺科學館行完，就嚟到金馬倫道呢一邊搵嘢食啦見到有一間唔係咁起眼嘅大廈，但係入面都好似有唔少食喎咁就同男朋友入咗去睇下啦上到去侍應姐姐就畀咗個靠窗口嘅卡位我哋坐啦，一坐低就擺低咗個調味架，調味料五花八門睇住張點餐紙，上面係有必食推介最啱第一次上去食嘢嘅客人做參考啦最令到我哋驚訝嘅係卡位竟然有電視，等我哋可以電視撈飯，真係好有屋企嘅感覺老友鬼鬼$68油炸鬼加蝦滑，其實都幾盞鬼㗎喎拿~依到油炸鬼唔係平時食粥嗰啲咁鬆化㗎因為太過鬆化就會好似響鈴咁樣，浸一浸就會淋曬。 呢一款油炸鬼就比較實淨，同埋香口，就算放喺湯入面耐咗都係咁脆㗎御膳宮廷海中寶$368送上嚟嘅時候淨係得一大嚿豬肚表面材料： 蟹子，素翅，雞絲，豬肚裏面材料： 花膠，海參，響螺頭，乾瑤柱仔。根據侍應姐姐解釋：呢一 個個每日只會限量供應五個， 而且煲呢一碗湯係需要用六個鐘， 所以如果想要呢一個湯底做打邊爐嘅話，就最好提早book定啦等侍應姐姐剪開咗豬肚之後，我哋再煮滾，熄火，熄咗火飲湯就唔會咁燥熱。留意到， 呢一個火鍋個盤係特別唔同係有龍頭㗎。 侍應姐姐話呢一個盤其實係為咗呼應返宮廷御膳嘅感覺，因為佢話
喺科學館行完，就嚟到金馬倫道呢一邊搵嘢食啦
見到有一間唔係咁起眼嘅大廈，
但係入面都好似有唔少食喎咁就同男朋友入咗去睇下啦
上到去侍應姐姐就畀咗個靠窗口嘅卡位我哋坐啦，
一坐低就擺低咗個調味架，調味料五花八門
睇住張點餐紙，上面係有必食推介
最啱第一次上去食嘢嘅客人做參考啦
最令到我哋驚訝嘅係卡位竟然有電視，
等我哋可以電視撈飯，真係好有屋企嘅感覺
老友鬼鬼$68
油炸鬼加蝦滑，其實都幾盞鬼㗎喎
拿~依到油炸鬼唔係平時食粥嗰啲咁鬆化㗎
因為太過鬆化就會好似響鈴咁樣，浸一浸就會淋曬。 呢一款油炸鬼就比較實淨，同埋香口，就算放喺湯入面耐咗都係咁脆㗎
御膳宮廷海中寶$368
送上嚟嘅時候淨係得一大嚿豬肚
表面材料： 蟹子，素翅，雞絲，豬肚
裏面材料： 花膠，海參，響螺頭，乾瑤柱仔。
根據侍應姐姐解釋：呢一 個個每日只會限量供應五個， 而且煲呢一碗湯係需要用六個鐘， 所以如果想要呢一個湯底做打邊爐嘅話，就最好提早book定啦
等侍應姐姐剪開咗豬肚之後，我哋再煮滾，熄火，熄咗火飲湯就唔會咁燥熱。
留意到， 呢一個火鍋個盤係特別唔同係有龍頭㗎。 侍應姐姐話呢一個盤其實係為咗呼應返宮廷御膳嘅感覺，因為佢話以前 皇室貴族先至可以飲到呢一種湯㗎。
腐竹吸收咗湯嘅味道更加入味，
螺片同埋柱仔就留低，繼續喺度煮湯
上湯就好似屋企煲嘅湯咁樣，我哋兩個飲到唔停口真係 津津有味
炸魚皮$48
新鮮嘅魚皮，大塊冇油味，夠乾身
自家製水餃$88
呢間舖頭應該係著重自家製嘅食品，
有蝦，有木耳絲，仲有帶子，皮薄， 而粒粒都係好豐滿嘅餃子
有餡料本身嘅鮮味， 而且食落係有層次感
特級雪花牛肉粒$148
牛肉好嫩口，一啲都唔鞋
自家製手打墨魚滑$98
白雪雪嘅墨魚骨真係非常之爽滑彈牙
脹卜卜咁，令其到口感更加豐富有鮮味
店主推介水晶包
水晶包有三個餡料:叉燒，芋頭，奶黃
每一粒都係手工製又圓又脹卜卜，
佢個皮係晶瑩通透， 個人最鍾意食奶黃餡， 當你咬落去嘅時候，本來會以為好似出面嗰啲奶黃咁樣，好容易流出嚟。
但係原來冇㗎，佢唔會一味係咁倒瀉咁樣
溜出嚟，佢仲會停留喺個皮入面，等你一啖皮一啖餡咁樣
呢度嘅食物每一樣都令人哋非常之滿意，
難怪到咁多人幫襯啦，大家記住呢之前訂位呀～ 泥都食嘢一定唔會令你哋失望嘅
张贴
