備長

想簡單同朋友食啲輕食嗰陣
日式串燒都係一個唔錯嘅選擇

今次揀左銅鑼灣嘅備長

入到去環境都好舒服 坐得鬆動燈光都有氣氛

安排左我地坐近煮食區嘅位置
可以直接睇住廚師嘅用心製作🙌🏻

今次唔太飽
嗌左幾款串燒都有一定水準

先叫左清酒煮大蜆
淡淡清酒香非常開胃

肉類就叫左雞肉串 配上溫泉蛋
份量十足

雞翼揀左一般鹽燒雞翼
建議配上檸檬汁 肉質鮮嫩

蔬菜方面叫左茄子 翠玉瓜同豆腐
當中以豆腐最有驚喜
外脆內軟 唔係已經飽肚會叫多幾串🤤

重有好多款未試 加上服務細心 下次可以再戰🙌🏻