店舖內嘅裝修簡單舒適，環境衛生都好整潔乾淨
滿滿係主打四川菜，飽肚之選就有麻辣同酸辣米線/紅薯粉 ($27)，有唔同嘅配料俾你選擇
例如：豬大腸、豬腩肉、雞絲、魚蛋、蟹柳等等……
仲有……點少得小食同小菜呢！而家天氣咁熱，食返碟涼拌皮蛋、涼拌蓮藕、涼拌豬耳粉皮，不但消暑，仲好開胃啊
另外，重慶雲吞都值得一叫啊
雲吞皮夠滑夠薄，餡料有木耳豬肉，每一粒雲吞都睇得出老闆老闆娘嘅用心製作
辣方面，係有Bb辣、小辣、中辣、大辣！佢嘅辣會令你想不停食落去
老闆同老闆娘都服務態度非常好，好友善
位置方面係喺富健花園街市內街，生果檔隔離
大家都不妨去試下啦
