影片
更多
2023-02-28
603 浏览
餐廳：GEO Café (荔枝角)地址：荔枝角福榮街565號地舖唔知你有幾耐無試過抽段時間空間出嚟，同傾得埋嘅朋友搵間Cafe坐低傾返幾粒鐘偈，嘆返件Cake🍰、飲杯咖啡☕️，好好咁享受難得自在嘅一個下晝呢？Cafe名「GEO」即喺「Geometry」，亦即喺 「幾何」嘅意思，一幅幾何圖由唔同嘅簡單基本圖案組成，而老闆就喺想帶出佢哋有各方面紮實嘅基本步，砌埋一齊先行到呢一步，開咗呢間着重食物質素、以咖啡同甜品為主打嘅CafeCafe以簡約嘅黑白啡色湊合成水泥簡約風格🔲，加上糅合幾何設計概念，打造咗樸實而唔造作嘅特色。食材採用國外高級原材料，加上1-2星期更新一次嘅Special menu，希望將食物嘅水準同驚喜帶比每一位嚟到嘅食客🎉✝️All Day Breakfast $98呢個All Day Breakfast嘅食物材料組合豐富而大份，香草腸、一啲都唔油膩而且唔會好鹹嘅煙肉🥓、惹味炒雜菌、煙三文魚、炒流心滑蛋、層層酥脆牛角包🥐，同埋黑醋沙律🥗，另外配上一碗自家製有粒粒粟米蓉嘅粟米濃湯，所有食物都喺新鮮即叫即整，一啲都唔馬虎🤓店員話佢哋主打甜品，所以我老實不客氣主要都喺試佢哋嘅甜品🤪。G
地址：荔枝角福榮街565號地舖
唔知你有幾耐無試過抽段時間空間出嚟，同傾得埋嘅朋友搵間Cafe坐低傾返幾粒鐘偈，嘆返件Cake🍰、飲杯咖啡☕️，好好咁享受難得自在嘅一個下晝呢？
Cafe名「GEO」即喺「Geometry」，亦即喺 「幾何」嘅意思，一幅幾何圖由唔同嘅簡單基本圖案組成，而老闆就喺想帶出佢哋有各方面紮實嘅基本步，砌埋一齊先行到呢一步，開咗呢間着重食物質素、以咖啡同甜品為主打嘅Cafe
Cafe以簡約嘅黑白啡色湊合成水泥簡約風格🔲，加上糅合幾何設計概念，打造咗樸實而唔造作嘅特色。食材採用國外高級原材料，加上1-2星期更新一次嘅Special menu，希望將食物嘅水準同驚喜帶比每一位嚟到嘅食客🎉
✝️All Day Breakfast $98
呢個All Day Breakfast嘅食物材料組合豐富而大份，
香草腸、一啲都唔油膩而且唔會好鹹嘅煙肉🥓、惹味炒雜菌、
煙三文魚、炒流心滑蛋、層層酥脆牛角包🥐，同埋黑醋沙律🥗，另外配上一碗自家製有粒粒粟米蓉嘅粟米濃湯，所有食物都喺新鮮即叫即整，一啲都唔馬虎🤓店員話佢哋主打甜品，所以我老實不客氣主要都喺試佢哋嘅甜品🤪。Geo Café每一款甜品都喺自家製同經過多次調味而成，所有甜品都喺以低糖配方處理，食多幾樣都相對無咁大罪惡感😝。
GEO法式吐司($78)將多士均勻咁浸入糖漿之後加牛油去煎🧈，
令多士食落每啖都有陣陣糖漿甜香，表面仲有輕輕焦脆口感😍；
香蕉麻糬窩夫伴巧克力雪糕 ($68)特別在於窩夫喺用麻糬粉加窩夫醬撈埋一齊整成🧇，窩夫同麻糬嘅口感二合為一，做到外層鬆脆而內裡煙靭柔軟，加上焦糖香蕉同朱古力雪糕一齊食，口感同滋味瞬間Level Up⬆️；
巴斯克芝士蛋糕($50)雖然就細件咗啲，不過奶滑微微濕潤嘅蛋糕質感，加上濃郁嘅芝士香同輕微焦香，每一啖放入口都喺幸福嘅感覺🥰
另外加$15要咗杯原價$38嘅Latte，朋友就叫咗杯雲石鴛鴦($38)，餐廳所用嘅喺中深烘焙House Blend咖啡豆，白咖啡Latte以鮮奶香為主🥛，每啖嘅後勁有偏向nutty嘅咖啡豆風味，啱啱好唔燙口嘅微溫同厚度適中嘅奶泡好睇得出咖啡師嘅功力👍；
雲石鴛鴦即喺黑芝麻鮮奶，兩杯都有靚靚圖案拉花，分別喺兔仔同無臉男，相當別緻😍
张贴
