影片
更多
2021-08-14
83 浏览
上環係我喺香港最鐘意嘅小區鐘意佢嘅本地藝術氣息、小店林立今日行完PMQ 一出門口見到對面有間湖水綠嘅餐廳店名Carpe diem 意思係seize the day活在當下單係店名同門口風格已經非常合我胃口而平日嘅晚上 貪佢座位唔多人少少 適合同朋友寧靜咁傾吓偈食吓嘢 所以我哋好快決定咗入去試吓店內裝潢以旅行為主題 有世界地圖同各地嘅收藏品餐牌封面係手繪圖畫 非常用心而可愛嘅設計雖然店舖小小 大概容納到十幾個客人左右但係依度嘅餐牌款式好豐富完全係為咗要好好款待每一個客人嘅胃口即使未開始食嘢已經感受到餐廳滿滿嘅誠意好鐘意依度呀🥰我哋叫咗滷香鹽酥豬扒配滷肉拌麵同招牌豆乳鹽酥雞拌泰式米粉賣相非常精緻吸引 拌麵同米粉都配有青瓜絲、紫洋蔥同紅椒 有唔同嘅顏色點綴下 影相打卡都十分吸睛✨滷肉拌麵 口感軟韌 鐘意滷肉嘅份量適中出面食過好多餐廳係落得太多 搞到好咸同好口渴而依度嘅拌麵醬汁更帶有少少甜味 好味道😋鹽酥豬扒睇相都睇得出好大塊同厚切好鐘意佢哋嘅炸皮 脆口得嚟唔重油膩感肉感都唔會太乾身 泰式米粉 食法同越南撈檬一樣 係拌埋魚露食嘅米粉食落有驚喜 口感比較爽口有嚼勁好岩涼拌食 好清新呢🎐至於豆乳鹽
鐘意佢嘅本地藝術氣息、小店林立
今日行完PMQ 一出門口見到對面有間湖水綠嘅餐廳
店名Carpe diem 意思係seize the day活在當下
單係店名同門口風格已經非常合我胃口
而平日嘅晚上 貪佢座位唔多人少少
適合同朋友寧靜咁傾吓偈食吓嘢 所以我哋好快決定咗入去試吓
店內裝潢以旅行為主題 有世界地圖同各地嘅收藏品
餐牌封面係手繪圖畫 非常用心而可愛嘅設計
雖然店舖小小 大概容納到十幾個客人左右
但係依度嘅餐牌款式好豐富
完全係為咗要好好款待每一個客人嘅胃口
即使未開始食嘢已經感受到餐廳滿滿嘅誠意
好鐘意依度呀🥰
我哋叫咗滷香鹽酥豬扒配滷肉拌麵
同招牌豆乳鹽酥雞拌泰式米粉
賣相非常精緻吸引 拌麵同米粉都配有青瓜絲、紫洋蔥同紅椒 有唔同嘅顏色點綴下 影相打卡都十分吸睛✨
滷肉拌麵 口感軟韌 鐘意滷肉嘅份量適中
出面食過好多餐廳係落得太多 搞到好咸同好口渴
而依度嘅拌麵醬汁更帶有少少甜味 好味道😋
鹽酥豬扒睇相都睇得出好大塊同厚切
好鐘意佢哋嘅炸皮 脆口得嚟唔重油膩感
肉感都唔會太乾身
泰式米粉 食法同越南撈檬一樣 係拌埋魚露食嘅
米粉食落有驚喜 口感比較爽口有嚼勁
好岩涼拌食 好清新呢🎐
至於豆乳鹽酥雞😍果然係招牌菜
炸得超級滑嫩 外脆內軟 一啲都唔會鞋口
依樣真心好食 係本日最推薦嘅食物
鹽酥雞係點大澳蝦醬
唔知蝦醬有冇特別調過味呢 因為同我食開好濃好咸嘅味道唔同
佢係帶有鮮甜味嫁 依碗仔蝦醬成功令我搵到旅行嘅感覺
因為我到依家都念念不忘 如果有得買返去做手信就好😆
食到依度 心入面已經默默記住咗旅窩
係香港少數用心經營嘅餐廳
無論裝修定係食物賣相、味道 同店員嘅服務都係滿分 真正有外表有內涵❤️
非常非常推介大家嚟試吓
最後離開時 拍下門口正面照
加埋店內一對情侶 好溫馨嘅感覺
相信早上有日光又係另一種氣氛
张贴
