影片
更多
2015-03-16
3436 浏览
今日同中學同學慶祝生日，黎左位於銅鑼灣嘅Hit the Road Cafe。我地事先就Book左枱，不過星期日嘅下午就其實唔係好多人，坐唔滿間Cafe。Cafe位置好少少難搵，但係其賽係Jackwills對面街，亦即係灣仔假日度假酒店隔離。講真，係出Lift個該Hit the Road 就impress左我。你話香港地有邊間Cafe連部Lift開始就咁用心。就連去廁所嘅指引都貫切住喱個黑框嘅牆上繪畫。入面嘅裝修就係咁，好舒服好Warm。每個角落都擺放住一啲好可愛嘅小擺設。睇落漫不經心嘅裝飾，令人覺得好自在，好似係屋企咁。室外光線唔單止令氣氛更悠閒，亦令影合照更加鮮豔奪目xd雖然採用開放式廚房，而且Cafe空間唔係太大，但完全冇油煙味。空間雖小，但店主好注重每枱客人嘅私隱，所以每張枱之間都有好自然嘅間隔，絕對唔會有同隔離融為一體嘅感覺。係咁細間嘅Cafe都做到咁舒服嘅效果，可見店主落左幾多心機。menu係英文既～不過唔識睇英文嘅客人唔洗驚，店主同員工都好熱情咁介紹食物，描述得好仔細呢。先唔好理食物質素如何，以一間位於銅鑼灣鬧市嘅Cafe黎講，Hit the Road絕對唔貴。我地點左Sp
我地事先就Book左枱，不過星期日嘅下午就其實唔係好多人，坐唔滿間Cafe。
Cafe位置好少少難搵，但係其賽係Jackwills對面街，亦即係灣仔假日度假酒店隔離。
講真，係出Lift個該Hit the Road 就impress左我。你話香港地有邊間Cafe連部Lift開始就咁用心。
就連去廁所嘅指引都貫切住喱個黑框嘅牆上繪畫。
入面嘅裝修就係咁，好舒服好Warm。每個角落都擺放住一啲好可愛嘅小擺設。睇落漫不經心嘅裝飾，令人覺得好自在，好似係屋企咁。
室外光線唔單止令氣氛更悠閒，亦令影合照更加鮮豔奪目xd
雖然採用開放式廚房，而且Cafe空間唔係太大，但完全冇油煙味。空間雖小，但店主好注重每枱客人嘅私隱，所以每張枱之間都有好自然嘅間隔，絕對唔會有同隔離融為一體嘅感覺。係咁細間嘅Cafe都做到咁舒服嘅效果，可見店主落左幾多心機。
menu係英文既～
不過唔識睇英文嘅客人唔洗驚，店主同員工都好熱情咁介紹食物，描述得好仔細呢。
先唔好理食物質素如何，以一間位於銅鑼灣鬧市嘅Cafe黎講，Hit the Road絕對唔貴。
我地點左Spaghetti with honey Grilled Chicken in Homemade Pesto($75)，Fried Spaghetti with Sun-dried Tomatoes and Mixed Mushroom ($65)，同埋All Day Happy Meal ($76)。
等候時間大約係20分鐘。聽落有啲耐，但對於一間Cafe黎講絕對係差唔多。
去Cafe慶生無非都係想慢慢坐，同朋友慢慢傾計啫。
壽星女叫嘅All Day Happy Meal ($76)甜甜地，好好味。喱個配搭好清新。
後面杯野飲係跟住個餐嘅，可以揀Americano或者係organic tea 。我地揀左Organic Tea, 有一陣好特別嘅味唔識形容，但飲落口好舒服。不過我諗喱個係次次唔同嘅。
菠蘿上面有塊焦糖，中和番菠蘿嘅酸味，好食～
食左啲香腸後，發現菠蘿中間切左個星星出黎，好驚喜！多謝店主嘅心思～
另一位朋友嘅Spaghetti with honey Grilled Chicken in Homemade Pesto($75)綠色嘅香草汁配上燒得閃閃令嘅雞塊，一睇就好吸引。
香草汁濃度適中，分均分佈係每條意粉上面，唔會有一種點唔到啲Sauce嘅感覺。
意粉口感just right，好有咬口。
平時香草汁嘅意粉食到最尾實係一盤油，極油膩，好難得喱個係食到最後啲好creamy嘅汁都用晒。好滿足～
雞塊蜜糖味好重，食落口甜甜好開胃。雞塊好香燒烤味，肉質啱哈好，食落好Juicy唔會太老。
我地三個女仔不停爭住食。
喱份係我嘅Fried Spaghetti with Sun-dried Tomatoes and Mixed Mushroom ($65)意粉口感都係咁好，果然有水準。
雖然喱款冇sauce，但勝在乾蕃茄同雜菌份量夠多，加上係意粉上嘅香草，整體效果一啲都唔dry！菌類係落鑊前應該有調味過，至少佢冇一陣草青味嘅。
最期待嘅都係叫甜品！我地冇買到生日蛋糕，一來係因為喱度要收$50切餅費，二來因為想試多啲喱度嘅甜品。
我地叫左Apple Crumble($36), Creme Caramel(traditional French egg pudding)($30)，同埋Chocolate Molten Cake($42)。
另外，我地一入黎就同waiter講左要寫happy birthday係碟上面同點candle，佢地可以提供喱個服務，但要視乎當日忙唔忙。
喱個係我嘅Creme Caramel(traditional French egg pudding)($30)。賣相好可愛好精緻呀～
pudding上面啲黑色點點其實係雲呢拿籽黎嘅。
糖漿甜中帶甘，唔會太漏。Pudding好香雞蛋味，好滑。
我朋友嘅Chocolate Molten Cake($42)其實可以加$15要個雪糕球，但個時唔記得左。
單食心太軟其實真係太甜，加番雪糕會好啲。
最後係壽星女嘅Apple Crumble($36)。碟邊仲有句好靚嘅happy birthday。
喱個apple crumble同出面啲鋪頭做法有啲唔同，佢上面唔係pie嘅質料，而係燕麥片。
燕麥片會唔會好dry?咁又唔係，因為佢係焗嘅關係，食落係香口嘅，配埋下面煮得又甜又腍嘅蘋果，喱個配搭好和諧，感覺仲好light，食完係零罪惡感嘅xd
整體黎講，我係好鍾意Hit the Road。
每一個位都好落足心機，可見店主對自己係幾咁高要求，我好欣賞佢嘅喱一份誠意。
我地每人平均用左＄130左右，但個人認為性價比極高。
一定會搵機會再黎！
张贴
