喜相逢 (界限街) (已搬遷) 新店位置

同朋友睇樓行到界限街附近，見到呢間舖門口好特別，所以就停下來食晚餐，呢間小店似新開，只得小量坐位，餐牌選擇唔算多，但都可以好夠食了，我地叫左個泡椒鴨舌，口水雞，水晶皮蛋同埋鴛鴦戲水（上湯水餃及雲吞）。泡椒鴨舌 - 份量好多，連啲配菜都好份味，絕對是一流開胃小食口水雞- 例牌都好大碟，好多肉，仲有齊唔同部位，啲汁唔會太辣，因為老闆婆知我地唔食得太辣，鬆手好多水晶皮蛋-必點黃金皮蛋，唔係周圍都有，金黃色呢隻相對無咁重鹼味，會更甘香鴛鴦戲水（上湯水餃及雲吞）- 個水餃可以簡唔同餡，我地簡左香姑芫西，雲吞就定左，但個驚喜位係個湯度，係個好清甜既湯，但又有辣味，好難形容呀，個雲吞同水餃自家制用粉好新鮮，食得出菜肉的鮮味。值得一提，老闆婆十分親切，親力親為，要多多支持這些有人情味的小店呢。下次要試埋糖水呢！