如意冰室私房菜 (已結業)

聽朋友講灣仔有間如意私房菜菜式好有水準，星期六果晚就直接去吃晚餐。果然名不虛傳，我地約六點半到餐廳內已經坐滿人，老板好有禮地介紹我地上一樓雅座睇過餐牌，都好多品種，價錢不算貴、菜色好吸引我地點左一條煎封馬友、一个招牌如意小炒、一個薑汁炒芥蘭，好快送上番茄薯仔魚湯，好鮮味足料，估吾到如意小炒食材甘豐富，每樣都是精挑細選出來的有爽口新鮮蝦仁，又有咸香的蝦干、脆卜卜白飯魚、酥脆腰果，炒得干爽翠綠的四季豆非常惹味！送啤酒🍻一流。煎封馬友，馬友皮煎得金黃酥脆， 而內里肉嫩鮮甜，加上秘製的醬油好美味！好吃到停不了口薑汁芥蘭炒翠翠綠綠，咸度適中，美味可口聽老板講午餐是做冰室茶餐，晚餐做私房菜好多舊式菜式經改良創新都成為餐廳招牌菜，有好多新鮮海魚得到顧客垂青。今晚這一餐好滿足，會繼續光顧。