影片
更多
2022-12-15
37 浏览
Four x Four 相信係顯徑唯一一間coffeeshop，但絕對冇因為係獨市生意而hea做，由餐湯、沙律到主菜，無論賣相定味道都非常高質～店舖行簡約風格，水泥地配木枱，望落好舒服，播嘅歌都好啱聽🤣🤣晚餐包餐湯同沙律，餐湯係粟米忌廉湯，非常creamy；沙律有煙三文魚，醬汁偏酸好開胃。主菜揀咗鹹蛋黃蟹膏蟹肉扁意粉，手工意粉口感偏爽，掛汁能力不俗；蟹肉蟹籽份量都多，醬汁香濃之餘唔會過膩，非常出色。仲有一個試咗佢地嘅叉燒risotto，醬汁係蕃茄忌廉汁但食落其實偏燒烤風味，配埋煎香嘅叉燒片就啱晒，叉燒望落好瘦但咬落又唔會韌，唔錯～我地upgrade咗餐飲做ginger latte同紫薯鮮奶，喺濕凍嘅天氣下飲ginger latte真係好舒服，同埋呢度薑汁同咖味嘅味道fuse得好好👍🏻紫薯鮮奶都好飲但實在太大杯同飽肚，冇諗過意粉同risotto份量咁足，失策😂😂
店舖行簡約風格，水泥地配木枱，望落好舒服，播嘅歌都好啱聽🤣🤣
晚餐包餐湯同沙律，餐湯係粟米忌廉湯，非常creamy；沙律有煙三文魚，醬汁偏酸好開胃。
主菜揀咗鹹蛋黃蟹膏蟹肉扁意粉，手工意粉口感偏爽，掛汁能力不俗；蟹肉蟹籽份量都多，醬汁香濃之餘唔會過膩，非常出色。
仲有一個試咗佢地嘅叉燒risotto，醬汁係蕃茄忌廉汁但食落其實偏燒烤風味，配埋煎香嘅叉燒片就啱晒，叉燒望落好瘦但咬落又唔會韌，唔錯～
我地upgrade咗餐飲做ginger latte同紫薯鮮奶，喺濕凍嘅天氣下飲ginger latte真係好舒服，同埋呢度薑汁同咖味嘅味道fuse得好好👍🏻紫薯鮮奶都好飲但實在太大杯同飽肚，冇諗過意粉同risotto份量咁足，失策😂😂
张贴
