御來光茶社 (已結業)

小店充滿日式風格，以木系裝潢為主。牆身有著富士山標緻，簡約得來有代表性。芝士奶蓋鐵觀音茶 $36鐵觀音為茶底，茶味夠濃與鹹香奶蓋融合，口感軟滑。由於茶味濃甜度較少，飲晒咁大杯都唔覺膩。係夏天消暑一流！御之水果茶 $36水果茶用料充足，水果新鮮，果肉量十足，味道清新。而茶底係用多款茶葉混合而成，甘香味濃。兩者配合得很好。大推！Tiramisu 提拉米蘇 $46入口有香濃咖啡香味，忌廉綿滑甜度剛好。乾濕程度恰到好處，整體口感味道豐富。抹茶三色仙草芋圓 $42抹茶為基底，配上滑溜仙草同色彩繽紛嘅芋圓，每顆都細細粒，煙煙韌韌，好有咬口，甜而不膩。小店整體評分不俗，價錢合理，食材新鮮。值得一提店員服務態度好好。點餐會細心介紹，餐後會問客人意見，睇吓有冇改善空間等等。足以證明小店用心經營，對食物質素很有要求，值得一讚。另外小店仲有期間限定有獎問答遊戲，頭獎係雙人來回東京機票一套，未行過富士山，未欣賞過御來光嘅朋友仔，機會嚟喇！參加詳情請看御來光茶社社交平台。