啡佬餐室 (已結業)

星期六去農夫班上堂兼做農夫，所謂不做不知難，做農夫真係好辛苦㗎。所以在做農夫之前，一定要填飽個肚，才有氣有力去做個好農夫。落了車，沿住元朗條大坑渠行，望向右手邊，見到幾間快餐店，見啡佬餐室比較大及有卡位坐。有好多早餐款式選擇，我揀了蒜蓉雞翼早餐：公仔麵有條菜，感覺健康，多士、雞翼夠熱及香脆，煙肉不會煎過龍，縮埋一細條，仲有一隻煎蛋及我至愛的奶茶。低食，夠大份，即叫即做，好好味，食過不會再幫襯連鎖快餐店。見到其他客人吃牛扒早餐或炸魚柳早餐都好大份及食物的擺放都花過心思，可以講色、香、味俱全，下次一定要試下其他款式的早餐。