木船 (已結業)

難得返大埔留宿，就同大埔老友食個便飯順便慶祝生日，今次有驚喜呀！出發前睇下食評見價都好高，都有期望去食架~但無失望喎。我地六點就到左做第一枱客，初初安排左我地坐近廚房的位置，野食一到就好多蚊仔....跟住店員都好有心地幫我地調位，太有heart喇！早到就唔駛等位(閒日)大概七點未夠已經坐滿晒，七點半到的話已經要等6-8張枱喇，價錢唔算好貴、食物質素高、店員友善、上菜快，無限時、唔會趕人走。由於招牌菠蘿炒飯配虎蝦太強勁的關係，我見到每枱兩位以上都係must order，味道係有驚喜，勁多提子乾，菠蘿又夠清甜～食完成餐飯都唔會好口乾，個青咖喱都好味～我杯椰子十勝紅豆冰條都好正，真係成支紅豆雪條插落去架，食得好開心！係絕對會encore的店子，住附近的都值得早啲去食喎。