頑固壽司 (已結業)

係尖沙咀K11嘅頑固壽司，作為香港第一間分店，除左有新鮮嘅食材，師傅精心嘅烹調，仲保留左日本店家對顧客嘅熱誠同人情味。聽講岩岩開業嗰時日日都大排長龍，不過遇上疫情後，商場人流大減，可以輕鬆預訂到平日嘅晚市食。係大家研究緊個餐牌時，經理好熱心咁走過嚟開始介紹，仲非常詳細，聽得出佢真係做足功課，連每一款魚都可以講得出有咩唔同經理講過，因為佢地無用機器去握制壽司，保留番最原始由師傅手握，所以需要比較多嘅時間，要我地耐心等候。壽司種類非常多，除左一般魚生，仲有火炙同料理長特別製作嘅醬汁壽司。帆立貝刺身佐柚子醋果凍帆立貝肉質厚身，淡淡嘅甜味配上柚子醋，酸甜開胃，貼上柚子肉好清新。蒸鮑魚刺身鮑魚有淡淡嘅酒味，所以蒸嘅時候應該有落酒，帶出個鮮味，鮑魚肉蒸完後再冰過，所以非常彈牙爽口，仲好鮮美，配上鮑魚乾醬汁，個味更出。特上壽司拼盤 十二貫分別有鰤魚、大拖羅、中拖羅、帆立貝、平目魚、金木鯛、牡丹蝦、鰻魚、海膽、三文魚子、玉子燒、碎拖羅小卷配件魚肉都非常厚身，肉質肥美鮮甜，其中海膽同埋帶拖羅係非常出色，海膽嘅甜味充斥着整個口腔，久久不散，以大拖羅非常香口，非常滿足。成個過程，不停有人為我地添茶，基本上個