有錢佬靚粥 (已結業)

醉翁亭（$33)今次試既呢間係位於筲箕灣東大街既平民小店”有錢佬靚粥” ☺️ 小店雖然格局雖小，但卻五臟俱全，有咸粥、甜粥、糖水同各款佐粥小食。今次我就揀左個醉雞粥食下，粥用瓦煲盛住，仲有少少滾滾地，未食都覺得幾正😎 醉雞粥粥底綿密，雞同酒味都好香，雞件亦好嫩滑，幾好食。另外小食叫左蘿蔔糕、芋頭餅、粟米蝦餅同煎韭菜餃等等，每款都係幾蚊，好抵食，味道都唔錯。整體黎講，小店食物質素不俗，以平民價錢食到唔錯既粥品，更重要既係，喺呢度我見到既濃濃既人情味同用心製作食物既心，同所謂大集團連鎖式既食店相比真係好得多，值得支持👍🏻