易食 (已結業)

大角咀近年越來越多小店，質素都唔錯。呢間西餐喺正利奧坊後邊，靜靜地幾啱二人世界👩🏻‍❤️‍👨🏻。✨香辣番茄醬帶子扁意粉 $128又酸又辣好開胃又唔會太刺激。帶子煎得少少香脆，彈牙唔會韌。✨香草醬素菜意粉 $78香草味唔算重，反而充滿蔬菜嘅清甜。清新輕盈又幾好味。✨露絲瑪莉燒美國無骨嫩雞 $148雞皮鹹香又卜卜脆，雞肉燒得均勻，口感嫩滑，連雞胸都唔會嚡。✨黑松露野菌忌廉湯 $48勁多菇菇顆粒好足料。整體味道比較清淡，主要食菇菌香。✨龍蝦湯 $58比平時飲嘅番茄味輕，突出咗蝦羔鮮味。超級濃郁又唔會好鹹，有埋餐包就perfect😎！