大頭仔 (已結業)

喺大坑道相信係唯一一間食肆。老闆一個中年嘅男人，滿有熱誠，多次幫襯呢間店舖都見到佢老婆同埋小朋友一齊幫手開舖。呢間舖頭主打小食，例如港式小食，燒賣雞蛋仔夾餅，仲有牛角包，咖啡同埋一啲飲品。試過佢既夾餅，燒賣，味道唔錯。以為雞蛋仔或者夾餅要等好耐，原來等三至5分鐘已經搞掂！想推介嘅係佢哋代理既pop pop ranger爆谷。推介海鹽焦糖味爆谷，同埋朱古力味爆谷。本身諗住，係包裝嘅爆谷唔會好未得去邊度。但爆谷一試難忘，越想食更多。粒粒爆谷都掛滿焦糖或者濃濃嘅朱古力味。甜甜的焦糖味味道配上咸咸既海鹽，味道更上一層樓。爆谷趣卜卜，唔會林林㗎。已經多次回購。