一八六一廚房 (已結業)

寶琳街市最近新開左間burger店🤩🤩咁啱嗰日買水果經過，一間小店竟然有至尊鵝肝手打牛肉漢堡～仲有雙色薯條見價錢唔貴，就買咗兩個餐返屋企試吓估唔到餐廳坐落喺街市嘅canteen，但食物質素高👍🏻下單後，老闆即刻煎漢堡，企喺度都超香漢堡個包係有唔同嘅顏色，十分特別！唔知係咪老闆自己整嘅呢？塊鵝肝相當厚身，煎得外面香脆，亦保留到鵝肝嘅油脂！食得出塊漢堡牛扒喺手打嘅，肉質軟淋Juice，真係同M記冇得比。目測呢間店都幾多食物選擇，仍有唔同嘅套餐，我嗰餐就包雙色薯條同飲品。支持用心嘅小店，大家經過寶林街市都去買返屋企食下啦！