影片
更多
2012-02-01
26 浏览
鴨記、 黃金, 係我老公的至愛, 所以附近出名的食店都試得差不多, 今晚估不到給我們找到一個驚喜, 連懶到爆的我都要寫番個食評先從沒來過深水埗市政大樓的熟食中心, 晚上7:30上去, 嘩~好多人, 8成滿, 有氣氛, 但大部份都被同一檔的小炒店佔據, 因昨天春茗食得太豐, 想找一些輕食, 一直行到最入面, 見到越南粉, 便高興地坐下去。店員太太微笑地介紹: "小姐, 試下我地出名的蝦膠扎肉番茄湯粉啦, 有大碗, 有細碗, 你要細得O架啦。 你要河呀 不如米線啦, 滑D你會鍾意D。越式咖啡好喝, 未住先, 你飲左會唔會瞓唔到 你地兩個人, 要個細拼盤夠喇, 我幫你樣樣加D, 之後切開分兩件便夠食 ...." 之後上每一道菜, 都會介紹加點什麼配料及怎樣食最好 (服務好到想給利是, 不過我老公按住我) 蝦膠扎肉番茄湯米線: 好! 湯底不是茄汁加水, 蝦沒有雪蝦的味, 係有鮮味O既, 扎肉有我喜歡的黑椒粒, 食來特別惹味, 豆卜充滿番茄湯汁, 再加上他們秘製炸蒜蓉, 食到見碗底 越式咖哩牛腩飯: 老公連埋D汁食哂, 雖然佢話唔夠辣, 但我覺得個汁好香, 牛腩夠淋 越式拼盤: 火侯控制好好
從沒來過深水埗市政大樓的熟食中心, 晚上7:30上去, 嘩~好多人, 8成滿, 有氣氛, 但大部份都被同一檔的小炒店佔據, 因昨天春茗食得太豐, 想找一些輕食, 一直行到最入面, 見到越南粉, 便高興地坐下去。
店員太太微笑地介紹: "小姐, 試下我地出名的蝦膠扎肉番茄湯粉啦, 有大碗, 有細碗, 你要細得O架啦。 你要河呀 不如米線啦, 滑D你會鍾意D。越式咖啡好喝, 未住先, 你飲左會唔會瞓唔到 你地兩個人, 要個細拼盤夠喇, 我幫你樣樣加D, 之後切開分兩件便夠食 ...." 之後上每一道菜, 都會介紹加點什麼配料及怎樣食最好 (服務好到想給利是, 不過我老公按住我)
蝦膠扎肉番茄湯米線: 好! 湯底不是茄汁加水, 蝦沒有雪蝦的味, 係有鮮味O既, 扎肉有我喜歡的黑椒粒, 食來特別惹味, 豆卜充滿番茄湯汁, 再加上他們秘製炸蒜蓉, 食到見碗底
越式咖哩牛腩飯: 老公連埋D汁食哂, 雖然佢話唔夠辣, 但我覺得個汁好香, 牛腩夠淋
越式拼盤: 火侯控制好好, 食起來 鬆化, 不油膩, 新鮮炸起又夠熱, 沒有炸過時導致乾水, 讚!
越式咖啡好喝, 香濃, 正如老闆娘說不用加糖甜度剛好。青檸梳打D檸好香, 我老公說話時一陣青檸香氣
她與先生兩位(我估)用心經營的小店, 對食品的質素控制 (eg. 小節如: 炸蒜蓉也加了檸檬皮去炸, 選過的青檸比一般的香...) 對工作的熱情, 係大大超過一般市面的食店, 也都是只有家庭式作業的店子才能找到, 希望這些好店一直做下去!
付款時剛巧店主千金來到, 試問一聲你們有 openrice 嘛？ 答＂有 Acct 的，不過沒有食評＂
好榮幸為你們第一個寫食評
還有一點，我們只用了下午茶的價錢，吃了一頓滿足的晚餐
题外话/补充资料：
很親切的街坊食店，看得出店主的用心，那裡很多貓貓（喜歡），雖然不是名貴的食材或高級的環境， 但我真係食得好開心～
(以上食记乃用户个人意见 , 并不代表OpenRice之观点。)
张贴
