心語甜品 (已結業)

以往去東大街都係食晚餐，未試過食甜品，今次試下食甜品，行到去見到有2間甜品舖，一間望落幾高尚冇價錢睇，價錢應該比較貴，而另一間望落去好少女Feel，顏色粉紅為主，價錢因貼出來，較合理，所以決定入這間。星期六較多人，等了一陣才入到去，入到去樓面姐姐好熱情款待，太多嘢想食，最後叫咗紅豆窩夫食，樓面姐姐問要唔要加$1 0食榴槤蓉，本人都幾鍾意食榴槤，所以加咗榴槤蓉。窩夫來到見到擺得好靚，以為榴槤蓉一pet上，點知整雪糕球一樣，食落似食雪葩(加$10超抵食)，第一次咁食榴槤，真係好驚喜，窩夫好香好脆(嫌唔夠燶)，紅豆蓉剛好唔太甜，抹茶雪糕超好食，甜品而家唔係剩係女士識欣賞，男士都會欣賞。因為第一次嚟食，所以八卦問樓面姐姐，原來窩夫係廚師姐姐自己整，睇得同食得出用心做，女仔做甜品確細心，同樓面姐姐講下次窩夫可以再脆D，姐姐話之前D客係openrice投訴"窩夫硬好難食"，所以廚師姐姐唔敢焗太脆，唉！窩夫要脆同硬先好食。而榴槤係最近先賣以前冇，下次一定叫埋朋友再嚟試其他產品。