一喜日本料理

同朋友叫咗個二人餐，包沙律、刺身、燒物、鍋物、鐵板燒、天婦羅，正常食量點都夠飽。圖片未能盡錄，有啲仲食咗幾啖先記得影。

難得嘅係，佢唔單止係分量多，味道對得住價錢有餘。每一碟都食得出天然鮮味，分得出唔係低價食材，再靠重口味去欺騙味蕾。例如魚生，入口就知唔係雪藏，連我個唔食魚嘅朋友都肯食多幾塊。

就好似老闆咁講，食材有無偷工減料，食客一定食得出。可幸我就食到佢對食物質素嘅堅持同對食客嘅尊重。

喺香港，飲食業從來都係高付出、低margin。呢個時勢下，以次充好已經係常態，有心做嘅餐廳買少見少，有機會就支持下。