後來知佢o係附近又再開業, 值著燭光晚會又經過天后, 一於捉埋gf去光顧一下~
當時八點半左右, 人不算多, 對上有個大叔等緊格餅, 我地都一樣order咗一份, 知道製作需時, 我地又oder咗燒賣同牛肉食住先. 燒賣同牛肉都係普通嘢, 叫做多個選擇俾客人.
等多兩分鐘, 期待o既格仔餅終於到手, 賣相相當吸引, 連紙袋設計都好講究, 亦有多一張tissue包住紙袋, 都幾細心.
格仔餅味道同其他地方差唔多, 餅底係幾香, 但有啲稔, 如果可以吹耐少少先入袋, 咁會好好多. 始終客人想食到o既係香脆o既格仔餅, 快一陣慢一陣都唔係最重要.
希望老細睇到我地o既食評, 會再改善吓, 下次丟會再去試雞蛋仔~
