度小月 (海運大廈) (已結業)

星期五下午三點攞飛，等咗足足一個鐘先至安排入座，入到去見到並唔係好多人坐喺度食緊野，根本就係專登做慢啲，要你喺門口等，製造人氣。向個經理投訴，佢又話人手不足又話大家都做緊嘢好忙，算啦！眼見座位都唔夠100個，工作人員就有成10個咁多，一係你嘅管理出咗問題，又或者係真係想營造排隊氣氛，但係技術就真係麻麻，門口長期有成30人企左係度等，等得太耐啲人都會走，做少咗生意，做少咗客，損失嘅又係自己。個位等左一個鐘頭，入到去發覺自己係白等嘅，本來15分鐘可以完成，足足用左一個鐘，食物質素又唔係頂級，又唔係得你先可以做得到，都唔知為乜？請各位潔身自愛，食碗面，唔使咁辛苦嘅！