九龍餐室

营业中

休息中

今晚叫了兩碟小菜，其中一碟是什麼腰果炒牛柳。我已經指住餐牌，照住餸菜名稱讀出，講得清楚清楚，夥計仍要落錯單，真係求助無門，忽然來了一碟黑椒牛柳。算了，唔想浪費，都係牛柳啫，亦唔想人家蝕本。再講下單後夥計有印單放在枱面。冇為意，冇理由錯嘅冇核實，都唔係藉口。千錯萬錯，爭拗起上嚟，都唔會係夥計的錯。講遠咗添。初時見到碟野一件件牛柳黑蚊蚊，都有些不詳預感。點知夾件牛柳入口才知中伏。乾爭爭，冇肉汁，咬唔入，口感似食緊乾了的肉乾。結果成碟留係枱。討回公道？算罷啦。