Daily 13 (已結業)

好耐冇接男朋友收工，諗住俾個驚喜佢，喺佢公司樓下接佢收工。冇嘢做睇OpenRice，見到一間新開嘅西餐廳裝修好靚，價錢相宜，係佢公司隔離即刻一試。入到去餐廳職員幫手帶位，好用心咁介紹餐單。我哋叫咗個set dinner。前菜我哋叫咗薯條同埋避風塘炒牛脷，味道好惹味，份量又好充足。餐湯我哋order左龍蝦湯，好濃好入味又唔會太鹹，男朋都話好好飲。 主菜叫咗黑松露意大利飯同埋卡邦尼意粉，味道好好！唔識點形容，重點係四百有找，抵，勁抵，超級抵，出去中環食起碼八舊。另外最後好值得一讚嘅係，呢度嘅侍應超好禮貌，亦都好caring，見到我今日病病地，送上暖水同埋紙巾比我，真係好窩心。