吃扒 (已結業)

經過呢條街到我見到餐廳外牆係一片紫色就會認得係呢一間餐廳，平時食開連鎖鐵板鋸扒，今次試吓新嘢。🫣〈熱熔芝士紐西蘭牛柳〉🧀🐮🥩🍟店員會將熱熔芝士即場燒熱，再喺客人面前淋落塊扒度，牛柳五成熟啱啱好，一啲都唔鞋口，有得揀意粉、飯或者薯菜，加$25仲可以升級套餐，有齊餐包、餐湯、甜品，同埋飲品。〈炸椰菜花配煙肉酸忌廉〉🥦🥓而家生酮飲食咁流行，見到餐牌有部份選擇都係標榜生酮飲食，所以我就揀咗呢一款小食試吓，炸椰菜花都真係第一次試，估唔到有幾好味喎，再加埋酸忌廉同煙肉，味道唔會太單調得來，感覺食得都幾健康。〈布袋流心芝士沙律〉🧀🥗原來布袋流心芝士即係水牛芝士，芝士味淡淡地，但係夾埋沙律菜食有幾好食，店員仲會俾埋黑醋，自己選擇落幾多，都幾細心。今日嘅中湯係豬骨湯🍲，好有老火湯嘅感覺；而西湯就係羅宋湯🍅，飲落都幾開胃。飲品方面仲有無糖梳打選擇🍹,啱晒想食的健康又飲的健康嘅人。