德福閣

营业中

休息中

今日星期六同朋友嚟左旺角仕德福酒店試下佢Brunch buffet，主要想一邊傾吓計，一邊食吓野，又冇限時。我哋冇book位，嚟到竟然係full house，好彩仲剩返一張枱可以俾我地兩個。食物種類同一般buffet都係大同小異，沙律、海鮮、刺身、熟食等等，中午冇蝦冇蟹，但估唔到有生蠔！！先食冷盤，拎左生蠔同三文魚試吓，蠔好重蠔味，但朋友兼腥，我覺得超甜。入口唔係creamy嘅質感，但肉質比較厚實，爽口夠甜。三文魚近腩位，油脂十足，但連著一點點皮脂！旁邊嘅日式叉燒比想像中有d唔同，可以唔落醬汁，但有點乾身，味道一般。蒸蛋細細杯，做得夠滑。仲試左其他兩款剌身，但始終唔夠三文魚嘅油脂香咁好食。 煙鴨胸味道唔錯，冇出面嘅咁咸。雞同豬都唔太特別，但星洲炒米有驚喜！濃烈嘅咖喱粉香，入口微辣，非常惹味，而且米炒唔會太腍，口感非常好！熟食肉類方面，最好係牛舌。燒得夠香，牛舌味濃，而本身肉質夠腍，加上黑椒汁食，味道同口感都一絕!Encore選擇係星洲炒米、蒸蛋、生蠔、牛舌！仲有其他野食嘅：食完收碟快，員工都好有禮貎，最大賣點係生蠔、焗蠔無限refill，唔駛爭啦！