Sushi Men x Oyster Men (已結業)

Sushi Men x Oyster Men係一間啱晒鍾意食生蠔同壽司嘅鋪頭。生蠔即叫即開，主力提供法國蠔，亦有其他地區生蠔供應，就好似當晚我就每人食左3款生蠔，又冰粒隔離順時針數起分別係：South Africa Rock ($23/隻）夠creamy；Eske （$23/隻）好rich 海水味，亦帶有甜味；Gillardeau No.0 （$42/隻）手掌咁大隻！當晚我仲學識左，輕輕𠝹開帶子位，會更多汁，釋放海水味！石垣貝刺身（$48）貝類刺身尚算合格，當然我會覺得生蠔更優啦！北海魚生飯（$98） - 牡丹蝦，海膽，帶子，厚切三文魚腩，三文魚子；性價比高，我見有幾多街坊買呢個外賣做晚餐。龍蝦風味 （$88）創作卷物：壽司九系列，其實係壽司熱狗，將紫菜飯卷炸過，再加波士頓龍蝦、牛油果及龍蝦醬，有創意得黎味道都夾。松葉蟹蓋 （$68）將蟹肉、蟹子、蟹膏，加牛油炒香，好邪惡！鵝肝卷 （$78）另一款卷物，芝麻、鵝肝、蘋果及芒果醬，有生果中和一下鵝肝嘅肥膩感，亦帶點清爽口感。