Season Plus (已結業)

作為一個生蠔愛好者，當然要四出找尋肥美正蠔！今日就黎到 “Season plus” 黎一嚐蠔味！以生蠔價錢嚟講，小弟就覺得幾扺食。最平$99都有一杯白杯同6隻生蠔。都唔係貴，幾個朋友一齊仲可以一齊share番，的確唔錯！每個Set都配有白酒，白酒同生蠔一向都係Best fd來。我地雖然叫左四個Set之中最貴個個，但配成支法國香檳，好扺。呢支法國香檳甜甜地，幾易入口，好似汽水甘，不如小弟就覺得酒味多反d會仲好。Anyway，就幾岩女仔fd飲，哈哈不過易入口，可能醉左都唔知咩事成個Set一共有12隻，6隻精選生蠔同6隻美國中碼生蠔。呢度d蠔鮮甜爽口，帶住淡淡既海水味。其中愛爾蘭石蠔及法國吉拉多生蠔最為美味，唔單止啖啖鮮甜，而且肥美。除左生蠔之外，該店既沙律都不失為一大重點，有鮮味既煙三文魚及鮮蝦陪襯，更有煙肉帶出厚重既味道。食完沙律同生蠔後，有d意猶未盡，就再加一個牛肝菌意大利飯，每口飯都充滿住濃郁既牛肝菌味，如果係牛肝菌既愛好者，一定要試下！整體幾好，生蠔算新鮮扺食，上菜速度又算快，可以再戰。