Starry Night (已結業)

好耐無耐食生蠔，見到呢間酒吧做生蠔放題推廣，又可以加$98任飲紅白酒，幾吸引。裝修簡約，位置都闊落，位處高層所以看到遠處銅鑼灣景，感覺開楊，兩個大螢幕都顯示播放的歌曲，氣氛唔錯。我見大部份客都係點生蠔任食套餐，所以佢哋有個專人不停手開蠔，基本上都唔需要等好耐，剛剛食完一盤，都好快可以上第二盤。套餐有齊頭盤湯，麵包加上煙三文魚。主角係生蠔還有凍蝦及翡翠螺，生蠔有兩款，兩款都唔錯，我比較喜歡外殼比較細嘅生蠔，感覺比較肥美。之後仲有主菜，我選擇了羊架，質素唔錯。