板燒郎燒肉鐵板放題料理專門店 (已結業)

節日唔知去邊度同情侶慶祝？ 又唔知喺邊度搵到好抵食放題？ 又冇諗過可以任食生蠔長腳蟹同飽魚？ 可能呢度就係你要搵嘅地方。本身都半信半疑咁搵到呢間餐廳， 又話有任食鮑魚又剩， 星期六嘅七點幾打電話諗住book九點兩個人， 又即刻有位喎。 上到去餐廳嘅時候未到九點要坐一陣， 個waiter又好好服務咁搬曬櫈我哋坐。 本身都以為伏， 又見唔係咁多人有俾88蚊去食升級放題。 但當你以為真係伏嘅時候， 原來自己係冇落錯決定嘅你冇睇錯！！！ 呢度嘅生蠔鮑魚長腳蟹真係任食， 而且服務亦都好一流，嘢食又上得快。 雖然最後兩個人食咗成七百蚊，不過女朋友開心冇所謂啦