影片
更多
2023-08-18
242 浏览
幫朋友買咗啲保健用品，相約喺尖沙咀交收兼晚飯。本來仲煩惱緊應該去邊度開餐，原來友人早有準備，一早已經喺「澳門茶餐廳」坐低咗。無嚟一排，餐廳環境依舊，裝潢充滿葡國色彩，令人賞心悅目。餐牌選項都幾豐富，除咗一系列正宗澳門小食，例如豬扒包、葡撻、皇子鴿等之外，原來餐廳每日都會有生猛海鮮供應。點咗薑蔥炒肉蟹 ($528)，另外再加咗幾款招牌美食。肉蟹大大隻，相當有份量，未放上檯香氣已飄至。蟹肉味道啱啱好，肉質結實鮮甜，尤其係蟹鉗位，啖啖肉，簡單以薑蔥爆炒，已非常惹味，令人食得津津有味。招牌軟骨皇子鴿 ($54) 乳鴿一開二，熱騰騰上桌，外皮烤得十分酥脆，肉嫩又多汁，蘸上淮鹽更加好吃。澳門豬扒豬仔包 ($32) 豬仔包塗上牛油烤焗，麵包外脆內軟。豬扒大大塊，份量十足，而且醃得相當入味，鬆軟又有肉汁。葡式蛋撻 ($13@) 兩個葡撻都做得好有水準，撻皮薄而鬆脆，入面嘅蛋漿好滑溜，甜度亦啱啱好，夠熱又夠香，超好味！另外仲點咗碟澳門炒飯 ($78)，用料好豐富，有蝦仁、紅腸、燒肉和橄欖等，飯粒乾爽，粒粒分明，調味亦十分到位，鹹淡合宜，味道唔錯。飲品點咗原味樽仔冰鎮奶茶 ($26) 同 熱檸檬菜蜜
幫朋友買咗啲保健用品，相約喺尖沙咀交收兼晚飯。本來仲煩惱緊應該去邊度開餐，原來友人早有準備，一早已經喺「澳門茶餐廳」坐低咗。
無嚟一排，餐廳環境依舊，裝潢充滿葡國色彩，令人賞心悅目。
餐牌選項都幾豐富，除咗一系列正宗澳門小食，例如豬扒包、葡撻、皇子鴿等之外，原來餐廳每日都會有生猛海鮮供應。
點咗薑蔥炒肉蟹 ($528)，另外再加咗幾款招牌美食。
肉蟹大大隻，相當有份量，未放上檯香氣已飄至。蟹肉味道啱啱好，肉質結實鮮甜，尤其係蟹鉗位，啖啖肉，簡單以薑蔥爆炒，已非常惹味，令人食得津津有味。
招牌軟骨皇子鴿 ($54) 乳鴿一開二，熱騰騰上桌，外皮烤得十分酥脆，肉嫩又多汁，蘸上淮鹽更加好吃。
澳門豬扒豬仔包 ($32) 豬仔包塗上牛油烤焗，麵包外脆內軟。豬扒大大塊，份量十足，而且醃得相當入味，鬆軟又有肉汁。
葡式蛋撻 ($13@) 兩個葡撻都做得好有水準，撻皮薄而鬆脆，入面嘅蛋漿好滑溜，甜度亦啱啱好，夠熱又夠香，超好味！
另外仲點咗碟澳門炒飯 ($78)，用料好豐富，有蝦仁、紅腸、燒肉和橄欖等，飯粒乾爽，粒粒分明，調味亦十分到位，鹹淡合宜，味道唔錯。
飲品點咗原味樽仔冰鎮奶茶 ($26) 同 熱檸檬菜蜜 ($21)，樽仔奶茶質感好幼滑，茶味溫和，跟奶香完美融合；菜蜜熱度和甜度都適中，順喉滋潤。
今餐食得好滿足，唔使去澳門，留喺香港都可以食到咁多地道嘅澳門小食，好幸福！
张贴
