韓舍 (已結業)

第一次去韓舍，居然唔係食韓燒，而係食佢地最近推出既韓式宮廷海鮮鍋。朋友食過話海鮮超正！個海鮮鍋有活龍蝦、大海蝦、象拔蚌、大蜆、鮑魚、扇貝等海鮮，每人328元包回本，另外仲送埋酒店式甜點、刺身、東南亞美食、自已玩抄雪糕、魷魚丸，真係好多樣化。今晚就見識到呢個韓式工庭海鮮鍋既魅力。呢個海鮮鍋超大，要合併兩個火水爐先安置到。遇熱，活龍蝦熱到跳舞，要店員㩒住先唔會周圍走！蒸左十分鐘，食得！好壯觀！海鮮係新鮮現劏，鮮度真係唔同啲！清酒、熱茶、汽水，無酒精飲品係自助任飲，所以一定又飲又食黎翻本。我好中意呢款人蔘雞湯，雞湯帶淡淡的人蔘味，好暖胃。刺身有六款選擇，每個客每次可以order 最多三款。三文魚、醋鯖魚、鯛魚、蟹柳，都唔錯。冷盤既大蝦，我都食左一堆！甜品仲多過酒店，各適其適。今次無食燒肉，呢渡既燒肉放題，肉類、海鮮、蔬果、丸類樣樣齊，好豐盛。下次可以再黎食韓舍既燒肉放題。